ចំនុចល្អ ស្ត្រីគួរចំណាយពេលហាត់ប្រាណ ពេលខ្លួនអស់រដូវ

0
198

ចំនុចល្អ ស្ត្រីគួរចំណាយពេលហាត់ប្រាណ ពេលខ្លួនអស់រដូវ

ការសិក្សាមួយរបស់អង្គការ North American Menopause Society (NAMS) ចេញផ្សាយក្នុងព្រឹត្តិបត្រ Menopause កាលពីពេលថ្មីៗកន្លងទៅនេះ បង្ហាញថា ការហាត់ប្រាណទៀងទាត់ អាចជួយឱ្យស្ត្រីអស់រដូវ ស្រកទម្ងន់ និងគេចផុតពីអាការៈបែកញើស ក្តៅមុខក្តៅមាត់។

ការពិសោធន៍លើស្ត្រីអេស្ប៉ាញ ជាង២០០នាក់ វ័យពី៤៥-៦៤ឆ្នាំ រយៈពេល១២ខែ និងបន្ទាប់មកថែម២០សប្តាហ៍ រកឃើញថា អ្នកដែលបានចូលរួមក្នុងកម្មវិធីហាត់ប្រាណជាប្រចាំ គឺទទួលបានភាពប្រសើរលើសុខភាពផ្លូវកាយ និងផ្លូវចិត្តរយៈពេលវែង។ ព្រមពេលជាមួយគ្នានោះ លេខ BMI របស់ពួកគេក៏បានធ្លាក់ចុះផងដែរ។

ID:99184319

វេជ្ជបណ្ឌិត JoAnn Pinkerton នាយកប្រតិបត្តិអង្គការ (NAMS) ថ្លែងថា ភ័ស្តុតាងនៃការរកឃើញលើកនេះបង្ហាញថា បែបបទរស់នៅប្រកបដោយសកម្មភាព បានជួយពង្រឹងដល់គុណភាពជីវិត ជាពិសេស ស្ត្រីក្រោយអស់រដូវ។ ជាងនេះទៀត ការបាត់បង់អស់អាការៈក្តៅក្រហល់ក្រហាយ បានជួយសម្រួលដល់អារម្មណ៍ជាទូទៅ។ ចំពោះស្ត្រី ការទទួលបានអារម្មណ៍ល្អ នឹងធ្វើឱ្យហានិភ័យសុខភាពនានាថយចុះ៕

LEAVE A REPLY

Please enter your comment!
Please enter your name here